Më shumë se 90 milionë votues kanë votuar deri me tani në zgjedhjet presidenciale në SHBA.

Sipas statistikave nga Universiteti i Floridas, këto janë të dhënat e fundit në lidhje me numrin e votuesve, transmeton portal arbresh.info

Pjesëmarrja e madhe e qytetarëve që është regjistruar deri më tani hap rrugën për pjesëmarrjen më të lartë në zgjedhjet në Shtetet e Bashkuara në një periudhë më të gjatë se një shekull, njoftoi Reuters.

Një numër i madh i qytetarëve votuan më herët drejtpërdrejt ose përmes postës elektronike, për shkak të shqetësimeve të koronavirusit dhe  për shkak të shmangjes së turmave në ditën e zgjedhjeve.

SHBA bëhet vendi i parë që regjistron 100,000 raste të reja ditore me koronavirus

Ekspertët parashikojnë që shumë më shumë se 138 milion qytetarë mund të shkojnë në qendrat e votimit.

Tani për tani, një numër i madh i demokratëve kanë shkuar në votime, të cilët janë më të prirur të votojnë me postë elektronike. I tillë ishte rasti me republikanët më parë, por këtë herë ata e shmangën atë, për shkak të pretendimeve të përsëritura dhe të pabazuara të Trump se sistemi i votimit me e-mail është shumë i ndjeshëm ndaj mashtrimeve.

Sipas raportimeve, në 20 shtete besohet se 19.9 milionë demokratë kanë marrë pjesë në votime, ndërsa numri i republikanëve është 13 milionë, dhe mes atyre që nuk i përkasin asnjërës nga këto dy parti numri është 10.1 milion.

Këto të dhëna nuk tregojnë se për cilin kandidat votuan këta votues./arbresh.info/